Partia e serbëve të Kosovës Lista Serbe ka reaguar ndaj vendimit të Qeverisë së Kosovës për konvertimin e targave.
Sipas reagimit të kësaj partie, vendimi i qeverisë është i destinuar të dështojë, ndërsa shtohet se serbët e Kosovës nuk do ta dëgjojnë kurrë kryeministrin e Kosovës Albin Kurti.
“Synimi i Prishtinës dhe Xhelal Sveçlës për të bindur serbët që vullnetarisht të heqin dorë nga dokumentet dhe targat serbe është i destinuar të dështojë, sepse populli serb në Kosovë nuk do ta dëgjojë kurrë Albin Kurtin, por ekskluzivisht presidentin Aleksandar Vuçiç, të cilit i besojmë pa rezerva.
Gënjeshtra brutale se presidenti Vuçiç po i vizaton shënjestrën në ballë dikujt, siç pohon Xhelal Sveçla, është një përpjekje për të mbuluar dështimin e Prishtinës për të zbatuar planin dhe për të hequr tarifat serbe. Mosbesimi ndaj qeverisë në Prishtinë dhe mosbindja e serbëve në veri janë të dukshme dhe asnjë kërcënim, gënjeshtër nga Xhelal Sveçla nuk do ta ndryshojë këtë.
Megjithatë, ne pyesim se si Sveçla planifikon të konfiskojë 9000 automjete në veri të Kosovës dhe nëse ai është i vetëdijshëm se e drejta për të disponuar pronën private është e pacënueshme?”, thuhet në reagimin e Listës Serbe.
